Nyuma yo gutwara igikombe cya shampiona y’icyiciro cya kabiri ndetse no kuzamuka kw’ikipe ya Rutsiro FC ubu akazi gakomeje gukorwa n’ubuyobozi ni ako kugura abakinnyi bazayifasha kuguma mu cyiciro cya mbere.
Rutsiro FC yabanje kongerera amasezerano NIZEYIMANA Claude (Rutsiro) Rutahizamu wayitsindiye ibitego byinshi mu mwaka w’imikino ushize.
Nyuma ya Nizeyimana Claude iyi kipe ubu yamaze gusinyisha aba barimo UWAMBAJIMANA Leon wari Kapitene wa Sun rise. MUNYURANGABO Cedric wakinaga muri AS Muhanga na MUTIJIMA Gilbert wakinaga muri Espoire FC.
Rutsiro FC ubu iri gukorera imyitozo mu karere ka Rubavu aho izakirira imikino yayo ya shampiona kandi yamaze kongerera amasezerano umutoza Gatera Mussa wayifashije kuzamukana igikombe cy’icyiciro cya kabiri umwaka ushize.
