Julien Mette w’imyaka 44 ukomoka mu Bufaransa niwe wagizwe umutoza mushya ugiye gutoza Rayon Sports nyuma yo kutagirira icyizere Mohamed Wade wari uyimaranye iminsi nk’umutoza w’agateganyo.
Uyu mugabo si mushya ku mugabane wa Afurika kuko yatoje Tongo FC Jambon yo muri Congo Brazaville mu mwaka wa wa 2016 kugeza 2018 ahita yerekeza muri AS Otôho d’Oyo ayibera umuyobozi wa sports ayivamo muri 2019.
Mette kandi yatoje ikipe y’igihugu ya Djibouti mu mwaka wa 2019 kugeza 2022 aho yahise asubira muri AS Otôho d’Oyo nk’umutoza mukuru niyo yari agitoza kugeza ubu aje muri Rayon Sports.
Julein Mette Muri Congo yahatwaye igikombe cya shampiyona y’aho 2019 na 2023, ndetse mu mwaka 2023 yagizwe umutoza w’umwaka. Biteganyije ko uyu mutoza agera mu Rwanda mu ijoro ryo kuri uyu wa 19 Mutarama 2024.
