U Rwanda na Korea y’Epfo byasinyanye amasezerano ya miliyari 1 y’amadorali ya Amerika yo gutera inkunga imishinga y’iterambere mu Gihugu.
Aya masezerano yashyizweho umukono na Minisitiri w’Imari n’Igenamigambi, Murangwa Yusuf na Ambasaderi wa Korea mu Rwanda, Woo-jin Jeong, kuri uyu wa 5 Nyakanga.
U Rwanda na Koreya y’Epfo byashyize umukono ku masezerano y’ubufatanye agamije guteza imbere inzego zirimo ubucuruzi n’ishoramari hagati y’Ibihugu byombi.
U Rwanda na Koreya y’Epfo byari biherutse gusinyana amasezerano y’ubufatanye agamije guteza imbere inzego zirimo ubucuruzi n’ishoramari hagati y’Ibihugu byombi mu kwezi kwa Kamena.
Ibihugu byombi umwaka ushize byashyize umukono ku masezerano mu nzego ebyiri zirimo ubujyanama mu bya politiki, ndetse n’ubufatanye muri gahunda y’ikigega cy’ubutwererane mu iterambere ry’ubukungu.
Mu 2020 kandi Korea y’Epfo yari yasinyanye n’u Rwanda amasezerano yemerera buri gihugu gukoresha ikirere cy’ikindi. Ni amasezerano azwi nka Bilateral Air Services Agreement.
Umubano w’u Rwanda na Korea y’Epfo watangiye mu 1963.
