Amakipe umunani azakina 1/4 cy’irushanwa ry’amakipe yabaye aya mbere iwayo i Burayi, UEFA Champions League, yatomboranye ku gicamunsi cyo kuri uyu wa Gatanu tariki 15 Werurwe 2024, aho ikipe ya Arsenal FC izahura na FC Bayern Munich naho Real Madrid ikazakina na Manchester City.
Paris Saint-Germain yatomboranye na FC Barcelone naho Atletico Madrid itomborana na Borussia Dortmund. Imikino ibanza izakinwa kuwa 9-10 Mata 2024 naho iyo kwishyura ibe kuwa 16-17 Mata 2024. Imikino ya 1/2 ibanza izakinwa kuwa 30 Mata no kuwa 1 Gicurasi naho iyo kwishyura ikinwe kuwa 7-8 Gicurasi. Umukino wa nyuma uzakinwa kuwa 1 Kamena 2024 kuri Wembley Stadium mu Bwongereza.
