Umwaka wa 2023 waciye agahigo ko gushyuha kurusha iyindi, aho byagizwemo uruhare cyane n’ihindagurika ry’ibihe rizwi nka El Nino, aho igihe ubushyuhe bwo mu nyanjya ngari ariyo Equatorial Pacific buba bwiyongereye bigatuma hagwa imvura nyinshi.
Ibi byatumye umwaka ushize uba uwa mbere mu yashyushye cyane mu myaka 100,000. Imibare ya Copernicus Climate Change Service (C3S) yerekana ko kuva muri Gashyantare 2023 kugeza muri Mutarama 2024, ubushyuhe bwazamutseho dogere Celcius 1.52 ugereranyije n’igipimo cy’ubushyuhe cy’ikinyejana cya 19.
Ukwezi kwa mbere rwashyizeho agahigo ko gushyuha cyane ku kigero cya dogere Celcius 13.14, kukaba kwararengejeho dogere Celcius 0.7 ugereranyije n’andi mezi ya Mutarama mu myaka 30 ishize.
