Kuri uyu wa Gatanu, ba Ofisiye 20 bo mu Mutwe w’Ingabo z’u Rwanda zirwanira mu Kirere, basoje amasomo y’ibijyanye no kurwanya inkongi y’umuriro, mu Ishuri rya Gisirikare rya “Gabiro Air Force Base”.
Bari bamaze amezi atatu bahabwa ubumenyi mu gutabara mu buryo bwihuse, kuzimya inkongi no gutabara abantu cyangwa ibiri ahari kuba inkongi y’umuriro.
Inkongi y’umuriro ni kimwe mu bitera impanuka nyinshi cyane cyane mu bice by’imijyi. Ukuzimya izi nkongi kenshi bikagorana kuko imodoka zizimya inkongi nazo zikiri nke.
