Alliance National Congress ni ishyaka rya Nelson Mandela. Riri ku butegetsi muri Afurika y’epfo kuva mu 1994. Iri shyaka ariko abasesenguzi bararibona mu nzira zo gutakaza ubutegetsi kuko uko abaturage batoye rigenda ritakaza amajwi.
Mu matora yo muri icyi cyumweru gishize y’abagize inteko ishingamategeko ANC yabonye amajwi 40%. Bivuze ko ritatsindiye inteko ahubwo rigomba gusaranganya imyanya n’indi mitwe ya Politiki. Mu matora yari yabanjirije aya ANC yari yagize amajwi 58% ibyerekana igabanuka ry’amajwi rikomeje kuri ANC.
Gutakaza amajwi kwa ANC kandi biratanga icyizere gicye kuri Perezida Ramaphosa kuba yakongera gutsindira indi Manda nk’umukuru w’igihugu cya Afurika y’epfo.
Muri Aya matora y’abagize inteko ishingamategeko ishyaka rya Democratic Alliance ryagize amajwi ya kabiri 22%. Mu gihe ishyaka rya Zuma uyu wahoze ari Perezida wa Afurika y’epfo, MK Party rifatwa nk’igice cyiyomoye kuri ANC ryagize 15%.
Ishyaka ANC ubundi kubwa Nelson Mandela ryagiraga 99% mu matora yo muri Afurika y’epfo. Uko imyaka yagiye ishira ryagiye ritakaza abarwanashyaka gusa ntiryari ryarigezw ribura 50% mu matora y’abagize inteko ishingamategeko. Inteko ishingamategeko ya Afurika y’epfo igizwe n’abadepite 400. Ni imyanya igabanywa hagendewe ku majwi buri shyaka ryagize.
