Nyuma y’uko Perezida wa Leta zunze ubumwe za Amerika Joe Biden avuze ko atacyiyamamaje mu matora yo mu Ugushyingo ubu abademokarate benshi batangiye kugaragaza ko bashyigikiye uwari Visi Perezida we Kamala Harris.
Kamala Harris wari usanzwe ari Visi Perezida wa Biden ni umwe mu bavuga cyane ko ashobora kwemezwa n’ishyaka ry’aba Demokarate agahangana na Donald Trump watanzwe n’ishyaka ry’abarepubukani.
Ba Guverineri barimo uwa Kentucky, uwa Pennsylvania n’uwa Carolina y’amajyaruguru b bamaze gutangaza ko bari inyuma ya Harris. Gusa Barack Obama wahoze ayobora Leta zunze ubumwe za Amerika na Nancy Pelosi wahoze ayobora inteko ishingamategeko bo bamaze kwerura ko batamushyigikiye. Aba bose ni abavuga rikijyana mu ishyaka ry’abademokarate.
Harris kugeza ubu yamaze kwigarurira imitima y’abaterankunga ariko kuko mu masaha 24 Biden avuze ko akuyemo ake karenge Harris yabashije gukusanya Miliyoni 50 z’amadorali ya Amerika abinyujije ku rubuga rwa ActBlue rukusanya inkunga yo kwiyamamaza kw’abademokarate. Ibi bikorwa byo kwiyamamaza byose byabariwe ingengo y’imari ya Miliyoni 96 z’amadorali ya Amerika.
Biteganijwe ko mu kwezi gutaha aribwo ishyaka ry’abademokarate rizemeza umukandida uzarihagararira mu matora yo mu Ugushyingo uyu mwaka. Ibi bizabera mu nteko rusange y’abademokarate izabera muri Ilinois
