Côte d’Ivoire yatsinze Repubulika Iharanira Demokarasi ya Congo (RDC) igitego 1-0 mu mukino wa ½ cy’Igikombe cya Afurika (CAN) wabaye ku wa Gatatu, tariki 7 Gashyantare 2024, isanga Nigeria yasezereye Afurika y’Epfo, ku mukino wa nyuma.
Igitego cya Côte d’Ivoire cyatsinzwe na Sébastien Haller. Nigeria yageze ku mukino wa nyuma wa CAN itsinze Afurika y’Epfo penaliti 4-2, ni nyuma y’uko ubwo amakipe yombi yari yanganyije igitego 1-1 mu minota 120.
Umukino wa nyuma uteganyijwe ku Cyumweru, tariki 11 Gashyantare 2024, saa yine z’ijoro. Ku wa Gatandatu RDC izahura na Afurika y’Epfo mu mukino wo guhatanira umwanya wa gatatu.
