Minisitiri w’ubuzima wa DR Congo yatangaje ko imibare y’abantu bamaze kwandura ubushita bw’inkende muri iki gihugu igeze ku 16,700 naho abo yishe bakaba barenga 570 kuva uyu mwaka watangira. Avuga ko biteze kwakira inkingo mu cyumweru gitaha.
Umubare q’abahitanwa n’icyo cyorezo Kandi ushobora gukomeza kwiyongera. Minisitiri w’ubuzima Roger Kamba yagize ati: “Turi ku bantu 3,4% bashobora kwicwa n’iyi ndwara”.
Iyi virusi nshya y’ubushita bw’inkende yagaragaye muri Repubulika iharanira Demokarasi ya Kongo ubu imaze kugera mu bihugu 17 byo ku mugabane wa Afurika.
Repubulika iharanira Demokarasi ya Kongo ivuga ko yiteguye kwakira inkingo zirenga miliyoni 3 zizafasha gukingira abafite ibyago byinshi byo kwandura iyi ndwara ya Monkey pox. Ni inkingo byitezwe ko zizagera muri Repubulika iharanira Demokarasi ya Kongo mu cyumweru gitaha.
