Imikino ibanza ya 1/8 mu gikombe cy’Amahoro yasojwe Gasogi United itsinda Muhazi United ibitego bibiri ku busa.
Igitego cya mbere cya Gasogi United cyatsinzwe ku munota wa 3 w’umukino n’umunya-Centrafrika Théodore Maripangu “Honorable”ku mupira w’umuterekano [Coup-Franc) naho icya kabiri cyatsinzwe na Kabanda Serge “Shadibou” ku munota wa 44.
Ibitego byararumbutse muri iki cyiciro, dore ko nta mukino n’umwe utarabonetseho ibitego. Umukino wa Addax FC na Mukura VS ntiwabaye kubera imvura yangije ikibuga cya Rugende.
Imikino yose uko ari 7 yabonetsemo ibitego 18, iyabonetsemo byinshi ni Bugesera FC yatsinze Marine FC ibitego 4 na Rayon Sports FC yatsinze Interforce FC 4-0. Imikino yo kwishyura iratangira kuwa kabiri w’icyumweru gitaha.
