Impyisi yari yigize inguge hafi ya kaminuza imwe iherereye mu murwa mukuru wa Kenya, i Nairobi, yishwe na yo imaze kurya umuntu umwe iramumara.
Ni nyuma y’uko impyisi zigabije umuturage wari uri gutashya inkwi mu ishyamba riri hafi y’iyi Kaminuza yitwa Multimedia University, ziramwirukankana ziramurya wese.
Iyi kaminuza iherereye mu mbago za Pariki y’igihugu izwi nka Nairobi National Park isanzwe ibamo inyamaswa z’inkazi zirimo Impyisi, Intare n’Ibisamagwe.
Bivugwa ko umwe mu banyeshuri wari uri hafi, yumvise induru y’uwo muntu ari gutabaza, akihutira kujya gutabara ajyanye n’umuntu umwe, bagezeyo na bo zirabigabiza zirabakomeretsa. Ikigo gishinzwe inyamaswa muri Kenya, kivuga ko iyo mpyisi yishwe ndetse ngo bari kurebwa ko nta burwayi yaba yasigiye abantu yariye.
Abanyeshuri bo muri iyi kaminuza biriwe mu myigarambyo bamagana imicungire mibi y’umutekano bavuga ko batarinzwe nyamara bizwi neza ko baturiye parike icumbikiye inyamaswa z’inkazi. Leta yahisemo gufunga umuhanda uva kuri parike ngo barebe ko ibyifuzo byabo byakubahirizwa.
