Indege yari itwaye Visi Perezida wa Malawi yabonetse we n’abandi bantu 9 bari kumwe bose bapfuye nyuma y’umunsi umwe iburiwe irengero.
Iyi ndege yabuze ejo kuwa mbere tariki ya 10 Kamena, yari itwaye Saolos Chilima Visi Perezida wa Malawi n’abandi bantu 9 bari bagiye gushyingura Ralph Kasambala wahoze ari Minsisitiri muri iki gihugu.
Lazarus Chakwera Perezida wa Malawi yemeje ko indege yamaze kuboneka ariko ko ntawarokotse mubo yari itwaye bose. Iyi ndege ya gisirikare yahagurutse Lilongwe mu kirere kitameze neza ejo kuwa mbere.
Abasirikare bakoresheje ingufu nyinshi bashakishiriza mu ishyamba rya Chikangawa, kuri uyu wa kabiri nibwo Perezida Chakwera yavuze ko iyi kipe y’abatabazi yamubwiye ko ibikorwa byo gushakisha byarangiye indege yabonetse ariko ko mu bantu bose bari bayirimo nta n’umwe ukiri muzima.
Uyu Visi Perezida yavaga mu ishyaka ritavuga rumwe n’irya Perezida gusa mu mwaka wa 2022 bumvikanye gushyira hamwe amashyaka yabo kugirango batsinda amatora yo kuyobora Malawi.
Dr Chilima w’imyaka 51 yari agiye guhagararira leta mu muhango wo gushyinguraRalph Kasambara wari umaze iminsi 4 yitabye Imana. Shanil Dzimbiri wahoze ari umugore wa Perezida Patricia Shanil Dzimbiri nawe yarari muri iyi ndege.
