Muri Leta ya Illinois muri Leta zunze ubumwe z’Amerika ku mugoroba wo kuri uyu wa mbere taliki 19 Kanama 2024 hatangiye inama rukokoma y’iminsi ine y’ishyaka ry’Abademokarate. Ni inama ihuje abayoboke b’ishyaka ry’abademokarate ikemeza umukandida uzahagararira iri shyaka mu matora.
Ni inama ifite insanganyamatsiko igira iti: “Icyerekezo gihamye ku hazaza h’Amerika.”
Nta gihindutse iyi nama ni yo izemeza ku mugaragaro Visi Perezida w’Amerika Kamala Harris na Tim Walz ku mwanya kandida perezida na kandida visi perezida.
Ni nyuma y’uko Perezida Joe Biden mu kwezi gushize afashe icyemezo cyo kwikura mu bahatanira umwanya w’umukuru w’igihugu. Biden biteganijwe ko aza kwereka abademokarate Kamara Harris nabo bakamushyigikira.
Harris azaba ahanganye kuri uwo mwanya na Donald Trump, umukandida w’ishyaka ry’Abarepubulikani, mu matora ateganijwe mu kwezi kwa 11.
