Mu ijoro ryakeye mu mukino w’iteramakofi wahuje Umwongereza ukomoka muri Nigeria Anthony Joshua n’Umunya-Cameroun Francis Ngannou, wabereye i Riyadh muri Arabie Saoudite, warangiye Anthony Joshua atsindiye Francis Ngannou mu gace (round) ka 2 gusa.
Antony Joshua w’imyaka 34, mu gihe bari bagitangira agace ka 1 yakubise Francis Ngannou w’imyaka 37 igipfunsi agwa hasi ikizwi nka ‘Kao’ mu gihe yarakibyuka amusubyamo ikindi gipfunsi arahwera bamwongerera umwuka, umusifuzi ahita ahagarika umukino ngo hatabaho ibindi byago harimo no gutakaza ubuzima kuri Nganouu.
Icyakora Francis Ngannou nubwo yakubiswe yakoreye miliyoni $10 (arenga miliyari 12frw), mu gihe Antony Joshua yakoreye miliyoni $30 (arenga miliyari 32frw).
Aba bombi ntibasanzwe bakina iteramakofi rimwe kuko Antony Joshua n’umuteramakofi w’abafite ibiro byinshi ariko w’umunyamwuga, mu gihe Francis Ngannou akina iteramakofi ariko arivanga n’indi mirwano ikizwi nka ‘Mixed Martial Arts’ (MMA), akaba yaherukaga kurwana n’Umwongereza, Tyson Fury mu mwaka ushize, aho yamukubise ariko bikarangira Tyson Fury ariwe utsinze bavuga ko yibwe.
Kugeza ubu Francis Ngannou ari ku mwanya wa 10 ku rutonde rwakozwe na World Boxing Council (WBC) mu gihe Anthony Joshua ari ku wa gatatu, inyuma ya Deontay Wilder uruyoboye na Andy Ruiz wa kabiri.
