Inteko ishingamategeko ya Leta zunze ubumwe za Amerika yatoye umwanzuro wo gufatira ibihano urukiko mpuzamahanga mpanabyaha (ICC) kubera gushaka gusohora impapuro zita muri yombi Minisitiri w’intebe wa Isiraheli Benjamin Netanyahu.
Benjamin Netanyahu na Ministeri w’umutekano wa Isiraheli Yoav Gallant baherutse gusabirwa impapuro zo gutabwa muri yombi n’umushinjacyaha mukuru w’urukiko mpuzamahanga mpanabyaha, ku byaha biri gukorerwa muri Gaza.
Abasenateri ba Leta zunze ubumwe za Amerika biganje mo abo mu ishyaka ry’aba Repubulikani kuri uyu wa kabiri batoye n’amajwi 155 muri 247 ko uru rukiko rwafatirwa ibihano. Ibihano uru rukiko rwafatirwa na Leta zunze ubumwe za Amerika birimo guhagarika imikoranire ya Leta zunze za Amerika n’uru rukiko ndetse no gufatira imitungo y’abayobozi b’uru rukiko iri ku butaka bwa Leta zunze ubumwe za Amerika.
Aba basenateri batoye iri tegeko nyuma y’iminsi micye Perezida Joe Biden nawe atangaje ko habaye ho kurengera gukabije kuri uru rukiko. Mu gusaba itabwa muri yombi rya Minisitiri w’intebe Benjamin Netanyahu n’abandi bategetsi ba Isiraheli.
