Joseph Nsengimana yagizwe Minisitiri w’Uburezi asimbura Twagirayezu Gaspard wagizwe umuyobozi mukuru w’urwego rushinzwe isanzure, nk’uko byatangajwe n’ibirori bya Minisitiri w’intebe.
Joseph Nsengimana wagizwe Minisitiri w’Uburezi yari asanzwe ari Umuyobozi w’Ikigo cya Mastercard Foundation gishinzwe guteza imbere uburezi kuri bose binyuze mu ikoranabuhanga.
Gaspard Twagirayezu wakuwe muri MINEDUC we yari ayimazemo umwaka umwe kuko yashyizweho mu 2023 asimbuye Dr Uwamariya Valentine.
Nizo mpinduka za mbere zibaye mu bagize Guverinoma kuva Perezida Kagame yatangira Manda nshya na Guverinoma nshya itaramara ukwezi irahiriye inshingano.
Mu zindi mpinduka kandi Nelly Mukazayire wari umuyobozi wungirije wa RDB guhera muri Werurwe 2023 yagizwe Umunyamabanga Uhoraho muri Minisiteri ya Siporo.
