Musenyeri Christopher Saunders wo muri Australia yatawe muri yombi ashinjwa ibyaha byo gufata ku ngufu abarimo n’abana. Uyu musenyeri w’imyaka 74 yafashwe kuri uyu wa Gatatu ahitwa Broome, nyuma y’iperereza ryakozwe na polisi ndetse n’Umushumba wa Kiliziya Gatolika ku Isi.
Musenyeri Saunders ubusanzwe ahakana ibyaha ashinjwa. Yangiwe kurekurwa atanze ingwate akaba ari bugezwe mu rukiko kuri uyu wa Kane. Ashinjwa ibyaha bibiri byo gufata ku ngufu, ibyaha 14 byo kugerageza gukora ibikorwa by’urukozasoni hamwe n’ibyaha bitatu bijyanye n’imyitwarire mibi ku bana.
