Perezida wa Repubulika Paul Kagame yashimiye abayobozi n’abantu batandukanye bo hirya no hino ku isi bamwifurije ishya n’ihirwe, nyuma yo gutorerwa kongera kuyobora u Rwanda mu myaka itanu iri imbere.
Mu butumwa yanyujije ku mbuga nkoranyambaga yagize ati “Twiteguye gukomeza imikoranire ibyara inyungu hagati y’abaturage bacu.”
Muri ubu butumwa Perezida Kagame yagaragaje umwihariko ku bihugu bya: Barbados, Central African Republic, Chad, Comoros, Cuba, Djibouti, Egypt, Ethiopia, Guinea-Bisseau, Guinea, Kazakhstan, Kenya, Liberia, Madagascar, Mauritius, Morocco, Mozambique, Oman, Qatar, Senegal, Seychelles, Somalia, South Sudan, Switzeland, Tanzania, Turkiye, Uganda, Venezuela, Zambia… .
Mu matora y’umukuru w’igihugu yo kuwa 14 na 15 Nyakanga 2024 Perezida Kagame yatsindiye kongera kuyobora u Rwanda muri manda y’imyaka 5 ku majwi 99.18%.
