Perezida Paul Kagame yageze i Bali muri Indonesia, aho yitabiriye Inama ya 2 ihuza Indonesia na Afurika, izaba kuva tariki 1-3 Nzeri 2024. Yakiriwe ku meza na Perezida wa Indonesia, Joko Widodo Ari kumwe n’abandi bakuru b’ibihugu na za Guverinoma baturutse muri Afurika.
Ni inama ibaye ku nshuro ya kabiri, igamije gushimangira umubano hagati ya Afurika na Indonesia, ikaza kwibanda ku ngingo zirimo guteza imbere ingufu, ubuzima, kwihaza mu biribwa n’ubucukuzi bw’amabuye y’agaciro.
Biteganyijwe ko yitabirwa n’ abagera kuri 855, barimo abakuru b’ibihugu ku mugabane wa Afurika, abakuru baza guverinoma, abari mu rwego rw’abikorera n’abandi.
Perezida Kagame yaherukaga muri Indonesia mu mwaka wa 2022. Inama ya mbere yahuje Indonesia na Afurika yabaye tariki 10-11 Mata 2018, ibera muri Nusa Dua Convention Center, i Bali.
