Perezida Paul Kagame yashimiye Donald Trump watorewe kuyobora Leta Zunze ubumwe za Amerika amushimira imiyoborere ye ndetse anamwizeza ubufatanye hagati y’ibihugu byombi.
Trump yatsinze amatora yo kuyobora Amerika atsinze Kamala Harris bari bahanganye, Trump yahise aba Perezida wa 47 w’iki gihugu cy’igihanganye. Yari agarutse ku butegetsi nyuma y’uko yari aherutse kuyobora manda ya 2017 kugeza 2021 ariko ntabashe gutsinda amatora yari ahanganyemo na Joe Biden.
Perezida Kagame abinyujije kuri X yashimiye Trump wongeye kugaruka kubutegetsi amushimira umurongo w’ubufatanye n’ibindi bihugu yahaye Amerika.
Ati”Ubutumwa bwawe buboneye bwamye ari uko Leta Zunze Ubumwe za Amerika ikwiye kuba umufatanyabikorwa w’amahitamo, ushishikariza abandi kuyifatiraho urugero aho kubahatira kubona ibintu nk’uko ibibona no kubaho nkayo. Ndifuza rero gukorana nawe mu nyungu rusange z’ibihugu byombi mu myaka iri imbere.”
