Umutwe wa M23, watangaje ko ingabo za SADC zagabye ibitero bikomeye ku baturage bigatuma abenshi bahunga bakava mu byabo.
SADC igizwe n’ingabo zavuye muri Afurika y’Epfo, Malawi na Tanzania, wagiye gufasha ingabo za FARDC mu mirwano yo kurandura umutwe wa M23.
Umuvugizi wa M23 Lawrence Kanyuka yatangaje ko kuva kuri iki cyumweru no kuri uyu wa Mbere ingabo za SADC zagabye ibitero bigari ku baturage mu duce twa Mweso, Mpati na Karuba muri Masisi na Kibumba muri Rutshuru.
Kanyuka avuga ko ibi bitero byifashishije indege za drones hamwe n’imbunda za muzinga zirasa kure.
Iyi mirwano yatumye abasivile benshi bava mu byabo barahunga cyane cyane mu gace ka Karuba.
