Ibinyujije ku rukuta rwayo rwa X ikipe ya Rayon sport yamaze gutangaza umunya- Brazil Roberto Oliveira Gonçalves do Carmo ROBERTINHO nk’umutoza mukuru wayo mu mwaka w’imikino 2024-2025.
Robertinho wanyuze muri Rayon Sport mu mwaka wa 2019 asiga ayihesheje igikombe cya championat ari nacyo iyi kipe yambara ubururu n’umweru iheruka. Yari yarashoje amasezerano mu ikipe ya Simba sport club yo muri Tanzania ariko ntiyongererwa.
Mu butumwa bw’ikaze Rayon sport yatangaje ko ishimishijwe no kongera kumugira ngo akomezanye nayo urugendo rugana ku ntsinzi.
Hari amakuru avuga ko umutoza witwa Sellami wakoranye na Robertinho igihe kirekire muri Tunisia, bakomezanya muri Simba, ari nawe uzamwungiriza muri Rayon Sport. Mu gihe ushinzwe kongerera abakinnyi imbaraga ari Ayabonga naho umutoza w’Abanyezamu akaba Mazimpaka André.
