Edgar Lungu wahoze ari Perezida wa Zambia kuva muri 2015 kugeza 2021, yasabye abaturage kwigomeka bagasaba ko habaho amatora y’umukuru w’igihugu byihuse mu gihe uwamusimbuye, Hakainde Hichilema, atarasoza manda ye, akamushinja kuba adashoboye.
Lungu avuga ko Perezida Hakainde Hichilema uri ku butegetsi ubu, yananiwe guhangana n’ibibazo byugarije iki gihugu, harimo icyorezo cya Cholera kugeza ubu kimaze guhitana abarenga 600 ndetse n’ababarirwa mu bihumbi bacyanduye, ndetse hakaba n’ikibazo cy’ubukungu butifashe neza.
