Rayon Sports y’abagore yagenewe n’umuterankunga wayo SKOL miliyoni 25 z’amanyarwanda kubera kwegukana igikombe cya shampiyona n’icy’amahoro. FERWAFA yahembye Rayon Sports FC miliyoni 16 kuri ibi bikombe byombi.
Kwegukana igikombe cya shampiyona, Rayon Sports WFC yahembwe miliyoni 8 na FERWAFA, mu gihe SKOL yayihembye miliyoni 14. Kwegukana igikombe cy’amahoro, Rayon Sports WFC yahembwe miliyoni 11 na SKOL, naho FERWAFA iyihemba miliyoni 8
Rayon Sports FC y’abagore yegukanye igikombe cya mbere cy’amahoro kuri uyu wa kabiri nyuma yo gutsinda Indahangarwa WFC ibitego bine ku busa.
As Kigali WFC yegukanye umwanya wa 3 nyuma yo gutsinda Fatima WFC.
Mu bagabo hakinwe umwanya wa gatatu, Rayon Sports FC yegukana miliyoni 3 nyuma yo gutsinda Gasogi United igitego kimwe ku busa cyatsinzwe na Nsabimana Aimable ku munita wa nyuma.
Umukino wa nyuma uteganijwe kuri uyu wa 3 saa 15h00 kuri Kigali Pele Stadium hagati ya Police FC na Bugesera FC
