Ubudage buhangayikishijwe n’abaturage batagishaka kubyara no gushinga ingo

Umwanditsi Mukuru
Yanditswe na Umwanditsi Mukuru

Umubare w’abana bavutse n’abashinga ingo mu budage uragenda ugabanuka. Ku rwego ruhangayikishije Leta y’icyi gohugu. Umwaka wa 2023 waciye agahigo ko kuvuka mo abana bacye ugereranije n’imyaka 10 yawubanjirije.

Mu mwaka wa 2023 mu budage havutse abana 693,000. Uyu niwo mubare muto mu myaka icumi ishize kandi uko imyaka ishira niko umubare w’abana bavuka ugenda ugabanuka. Umwaka wa 2022 hari havutse abana 738,819 bivuze ko mu mwaka wakurikiyeho habayeho igabanuka rya 6,2%.

Mu bagore babyaye mu mwaka wa 2023 abangana na 46.5 % b babyaye umwana wabo w’imfura, 34.8 bari babyaye bwa 2 naho 18.7 bari babyaye bwa gatatu. Ababyaye umwana wa Gatatu ariko ngo biganje mo abafite ubundi bwenegihugu batuye mu budage.

Umugore wo mu budage yarabarirwaga umwana 1,57 mu mwaka wa 2021 ariko ubu arabarirwa 1.36 hagendewe ku mibare ya 2023.

Ku bijyanye no gushinga ingo naho imibare yerekana iganabanuka. Mu mwaka wa 2023 ingo zashinzwe mu budage ni 361,000. Habayeho igabanuka rya 7.6% kuko mu mwaka wa 2022 Ingo zari zashinzwe zari 390,743.

Muri izi ngo zashinzwe mu mwaka wa 2023 kandi 351,800 nizo zashinzwe zirimo umugabo n’umugore mu gihe 9,200 ari iz’ababana bahuje igitsina. Abaturage bose b’ubudage ubu ni Miliyoni 84.7.

Isangize abandi
Tanga igitekerezo

Leave a Reply

Your email address will not be published. Required fields are marked *