Ikigo cy’Igihugu cy’Ibarurishamibare (NISR) cyatangaje ko mu 2023 umusaruro mbumbe w’u Rwanda wazamutse ku mpuzandengo ya 8.2%. Igihembwe cya mbere wazamutse ku 9.2%, mu cyabiri ni 6.3%, mu cya gatatu ni 7.5% naho mu cya kane wazamutseho 10%.
Mu mwaka wa 2023, umusaruro mbumbe w’u Rwanda wari miliyari 16.355Frw uvuye kuri miliyari 13.720 mu mwaka wa 2022. Uruhare rw’ubuhinzi ni 27% by’umusaruro mbumbe wose, inganda ni 22%, serivisi ni 44% naho ibindi bisigaye ni 7%.
Mu 2023, urwego rw’inganda rwazamutseho 10%, ubuhinzi buzamukaho 2% na ho serivisi zizamukaho 11%.
