Umusifuzi w’Umunyarwanda, Dushimimana Eric, agiye kwishyurwa miliyoni 7 Frw n’Ikigo cyerekana amashusho kuri Televiziyo, StarTimes nyuma yo kumukoresha mu mashusho yamamaza ibikorwa byayo itamusabye uburenganzira.
Ni umwanzuro w’Urukuko Rukuru mu rubanza uyu musifuzi yari yarareze StarTimes mu Rukiko rw’Ubucuruzi mu 2021.
Aya mashusho yamamaza agaragaramo Umusifuzi Dushimimana yafashwe ari gusifura mu kibuga mu 2021 hanyuma asubirwamo mu itunganywa ryayo, hakurwamo ikibuga, abafana ndetse na Stade.
Aya mashusho yamamazaga Magic Sport mu buryo bwo kwerekana no gucuruza amashusho ya StarTimes na decoders zayo.
