Urupapuro rwo ku meza (serviette) Lionel Messi yasinyiyeho amasezerano ya mbere na FC Barcelona afite imyaka 13 mu 2000 ruzagurishwa mu cyamunara muri Werurwe 2024, aho igiciro cy’intangiriro ari amapawundi ibihumbi 300 nk’uko byatangajwe n’ikigo cyo mu Bwongereza, Bonhams.
Uru rupapuro rw’amateka ruzagurishwa hagati ya tariki 18-27 Werurwe, rwabitswe neza cyane na Horacio Gaggioli, wari uhagarariye Messi icyo gihe. Messi yatwaye Ballon d’Or inshuro umunani, atwarana na Barcelona ibikombe 35, yayikiniye imikino 782 ayitsindira ibitego 674.
