Wamkele Mene yongerewe manda y’imyaka ine yo kuyobora Ubunyamabanga Bukuru bw’isoko rusange rya Afurika (AfCFTA). Ni icyemezo cyafatiwe mu nama ya 37 isanzwe y’Umuryango wa Afurika Yunze Ubumwe (AU) yabeye i Addis Ababa mu mpera z’icyumweru gishize.
AfCFTA yashyizweho mu 2018 igizwe n’ibihugu 43 rikaba ari isoko rya mbere ku isi rigizwe n’ibihugu byinshi. Rifite intego yo guteza imbere ubukungu n’imibereho myiza, kugabanya ubukene no gutuma Afurika ihatana mu bucuruzi mpuzamahanga.
