Kuri uyu wa Kabiri, tariki 27 Gashyantare 2024, ku rukiko rwibanze rwa Gasabo, Harerimana Joseph uzwi nka ‘Apôtre Yongwe’ yasabiwe n’ubushinjacyaha gufungwa imyaka itatu n’ihazabu ya miliyoni 5Frw akanasubiza amafaranga bamwishyuza, dore ko anivugira ko ari benshi bayamuhaye.
Apôtre Yongwe yafashwe tariki 01 Ukwakira 2023, akurikiranyweho icyaha cyo kwihesha ikintu cy’undi hakoreshejwe uburiganya cyangwa se ubwambuzi bushukanyi, ibizwi nka ‘escroquerie’ mu rurimi rw’Igifaransa.
