APR BBC irandikira amateka mabi imbere ya Perezida Kagame ?

Umwanditsi Mukuru
Yanditswe na Umwanditsi Mukuru

 

Ikipe ya APR y’umukino wa Basket iri I Dakar muri Senegal yagiye gukina amajonjora yo gushaka itike yo gukina imikino ya nyuma ya BAL izabera I Kigali mu Rwanda.

APR BBC imaze gukina imikino 5 yatsinze 2 itsindwa 3, kuri  iki cyumweru irakina umukino wa nyuma na AS Douane iza kuba iri imbere y’abafana bayo.

Nta gihindutse biteganyijwe ko uyu mukino uza gukurikirwa na Perezida Kagame uri mu ruzinduko muri iki gihugu cya Senegal. APR irasabwa gutsinda uyu mukino kugirango ihite ibona itike yo kuzakina imikino ya nyuma ya BAL bidasabye indi mibare, niko imibare imeze kandi no kuri AS  Douane nayo isabwa gutsinda ntayandi mahitamo.

Perezida Kagame arareba uyu mukino ari kumwe na mugenzi we wa Senegal Bassirou Diomaye Faye bivuze ko amakipe yombi aza kuba afite ishyaka ryo kuba ari gukinire imbere y’abakuru b’ibihugu akomokamo ni indi mpamvu iza gutuma uyu mukino uza kuba ari ishyiraniro.

 

Ibintu bitageze neza kuri APR igasezererwa yaba yanditse amateka mabi ko ariyo kipe ihagarariye u Rwanda mu mikino ya BAL ikabura itike yo gukina imikino ya nyuma muri iri rushanwa ikunze kubera  I Kigali.

Iyi kipe y’ingabo z’igihugu iraza gukina idafite Adonis Filer umwe mubakinnyi bakomeye bayifashije muri iri rushanwa. Ishobora kandi kuza gukina idafite Noel Obadiah nawe ushidikanywa.

 

Aba bakinnyi bombi baraye bavunikiye mu  mukino APR BBC yaraye itsinzwemo na River Hoopers yo muri  Nijeriya  amanota 78-71. Rivers Hoopers ubu niyo iyoboye iri tsinda imaze gutsinda imikino 4 , APR BBC iri ku mwanya wa kabiri inganya intsinzi ebyiri na US Monastir na AS Douanes ya nyuma  aya makipe  ariko atandukanywa n’amanota azigamye.

Isangize abandi
Tanga igitekerezo

Leave a Reply

Your email address will not be published. Required fields are marked *

Iteganyagihe

loader-image
Kigali, RW
4:41 pm, May 28, 2024
temperature icon 26°C
light rain
Humidity 50 %
Pressure 1020 mb
Wind 5 mph
Wind Gust Wind Gust: 0 mph
Clouds Clouds: 75%
Visibility Visibility: 0 km
Sunrise Sunrise: 5:56 am
Sunset Sunset: 5:57 pm

Inkuru Zikunzwe