Ikipe y’igihugu ya Benin itsinze Amavubi y’u Rwanda igitego kimwe ku busa ihagarika umuvuduko w’umutoza Frank Spittler Torsten wari utaratsindwa kuva yatangira gutoza Amavubi.
Iki gitego kimwe cyabonetse ku munota wa 36 gitsinzwe na nimero 19 Dodo Dokou nyuma y’umwanya munini abakinnyi ba Benin botsa igitutu ikipe y’igihugu Amavubi.
Igice cya mbere cyarangiye kuri iki gitego kimwe ku busa, igice cya kabiri kigitangira umutoza Frank w’Amavubi yakuyemo Rafaek York na Hakim Sahabo yinjiza Samuel Guelette Muhire Kevin. Aba bakinnyi bafashije u Rwanda guhindura umukino rutangira gukina umukino wihuta bagabanya igitutu cya Benin.
Mugisha Bonheur nawe yaje kwinjira mukibuga asimbuye Rubanguka Steve yongera ingufu hagati mu kibuga, Kwizera Jojea yasimbuye Mugisha Gilbert nawe agerageza gufasha ubusatirizi ariko amahirwe u Rwanda rwabonye ntiyagira icyo atanga.
Uyu wari umukino wa gatanu umutoza Frank Spittler Torsten yari atije Amavubi yari ataratsindwa umukino n’umwe mu mikino 4 yari amaze gutoza ndetse yari atarinjizwa n’igitego.
Benin nyuma yo gutsinda nayo yahise igira amanota 4 inganya n’u Rwanda ari nazo ziyoboye itsinda , muri iri tsinda ejo kuri uyu wa gatanu Nigeria irakira Afurika y’Epfo naho Lesotho yakire Zimbabwe.
