Kuwa 15 Gicurasi 2024 Perezida w’Umutwe w’Abadepite mu nteko ishingamategeko, Mukabalisa Donatille, yamenyesheje abagize Inteko Rusange y’Abadepite ko yakiriye ibaruwa y’ubwegure bwa Depite Barikana Eugène.
Barikana aheruka gutabwa muri yombi akurikiranyweho gutunga intwaro binyuranyije n’amategeko.
Depite Barikana yabaye umudepite kuva mu 2013, mbere yaho akaba yari Umuyobozi mu Biro bya Minisitiri w’Intebe hagati ya 2010 na 2013. Kuva mu 2003 kugera mu 2013, uyu mugabo yari Umunyamabanga Uhoraho muri Minisiteri y’Ubutegetsi bw’Igihugu, mu gihe yari Préfet wa Préfecture ya Kibungo hagati ya 1999 na 2001.
