Ishyaka ryahoze riri ku butegetsi muri Gabon “Parti démocratique gabonais (PDG)”, ryirukanye Ali Bongo ku buyobozi bwaryo, ni nyuma y’uko ritakaje ubutegetsi ryari rimazeho imyaka 56 kubera kudeta yakozwe kuwa 30 Kanama 2023.
Kuri uyu wa Kane nibwo intumwa z’ishyaka zagiye mu rugo rwa Ali Bongo, kumumenyesha ko atakiri umuyobozi waryo kubera impamvu z’ubuzima bwe butameze neza. Nyina, Patience Dabany, na we yakuwe mu ishyaka, kikaba ari ikimenyetso cyo kwikiza abari abambari ba Bongo.
Paul Biyoghe Mba, wari Minisitiri w’Intebe ku ngoma ya Ali Bongo, ni uyoboye ishyaka. Uwigeze kuba Minisitiri w’intebe, Alain-Claude Bilie-By-Nze, uherutse gusaba ko habaho ivugurura ryimbitse ry’ishyaka, yabaye Visi Perezida wa kabiri. Angélique Ngoma, wahoze ari umuntu ukomeye mu gihe cya Omar Bongo, yagizwe Umunyamabanga mukuru.
