Icyo amategeko y’u Rwanda ateganya ku iseswa ry’umutwe w’abadepite

Umwanditsi Mukuru
Yanditswe na Umwanditsi Mukuru

Ingingo ya 79 y’itegeko nshinga u Rwanda rugenderaho iteganya ko ku mpamvu z’amatora, Perezida wa Repubulika asesa inteko ishingamategeko umutwe w’abadepite mu minsi nibura 30 ariko idashobora kurenga 60 mbere y’uko manda ye irangira.

Inteko ishingamategeko umutwe w’abadepite bariho ubu bagombaga kuba barashoje manda yabo mu mwaka ushize wa 2023. Igihe cyaje kongerwa hagendewe ku ngingo ya 173 y’itegeko nshinga yemerera amatora ya Perezida wa Repubulika ndetse n’iya abadepite kubera rimwe muri uyu mwaka.

Ingingo y’100 mu itegeko nshinga iteganya ko amatora ya Perezida wa Repubulika akorwa mu minsi nibura 30 idashobora kurenga 60 mbere y’uko manda y’umukuru w’igihugu uri ho irangira.

Perezida wa Repubulika uri ho ubu, Paul Kagame yarahiriye iyi manda kuwa 18 kanama 2017. Uwo munsi ni nawo manda ye yatangiriye ho. Bivuze ko iyi manda yari ifite imyaka 7 izarangira kuwa 17 Kanama 2024.Hagendewe kuri iyi ngingo rero inteko ishingamategeko umutwe w’abadepite ugomba guseswa hagati y’italiki 17 Kamena na 17 Nyakanga 2024 hagendewe ku ngingo yo kutarenza iminsi 60 no kutajya munsi y’iminsi 30 mbere y’isozwa rya manda y’umukuru w’igihugu.

Manda y’umukuru w’igihugu igiye gutorwa muri uyu mwaka kimwe n’iy’abagize umutwe w’abadepite mu nteko ishingamategeko zifite igihe cy’imyaka 5. Itegeko nshinga rya Repubulika y’u Rwanda ntiriteganya ko Sena yo yaseswa.

Umutwe w’abadepite mu nteko ishingamategeko y’u Rwanda washyizweho kuwa 10 Ukwakira 2003. Nyuma y’inzibacyuho.

Manda ya mbere y’abadepite yabaye guhera ubwo kuwa 10/10/2023 igeza mu 2008

Manda ya kabiri y’abadepite yabaye kuva mu 2008 kugeza mu 2013.

Manda ya Gatatu y’abadepite yatangiye mu 2013 irangira mu 2018.

Manda ya Kane yatangiye mu 2018 yagombaga kurangira mu 2023.

Isangize abandi
Tanga igitekerezo

Leave a Reply

Your email address will not be published. Required fields are marked *

Iteganyagihe

loader-image
Kigali, RW
4:55 pm, May 28, 2024
temperature icon 27°C
light rain
Humidity 47 %
Pressure 1020 mb
Wind 6 mph
Wind Gust Wind Gust: 0 mph
Clouds Clouds: 40%
Visibility Visibility: 0 km
Sunrise Sunrise: 5:56 am
Sunset Sunset: 5:57 pm

Inkuru Zikunzwe