Nyampinga w’u Buyapani, Karolina Shiino, yiyambuye iryo kamba nyuma y’uko hahishuwe umubano we n’umugabo wubatse. Ni ikamba yambitswe mu byumweru bibiri bishize nabwo bitavugwaho rumwe kuko yavukiye muri Ukraine bityo akaba atujuje indangagaciro z’iki gihugu.
Igitangazamakuru, Furore, cyatangaje ko Miss Shiino yakundanye n’umugabo wubatse w’umuganga ariko abategura irushanwa bakaba baravuze ko yabikoze atazi ko uwo mugabo yubatse.
Miss Shiino yasabye imbabazi abafana be ndetse na rubanda muri rusange, atangaza ko yiyambuye ikamba rya nyampinga. Bisobanuye ko u Buyapani buzamara umwaka budafite nyampinga nubwo hari ibisonga bye.
