Perezida Paul Kagame yageze i Addis Ababa muri Ethiopia, aho yifatanije n’abandi bakuru b’ibihugu na Guverinoma baturutse ku mugabane wa Afurika mu nama ya 37 isanzwe y’inteko y’abakuru b’ibihugu na guverinoma ya Afurika yunze ubumwe (AU).
Biteganyijwe ko Perezida Kagame muri iyi nama azagaragaza raporo y’iterambere ku ivugurura ry’umuryango wa Afurika yunze ubumwe, nkumuyobozi w’ivugurura ry’inzego za AU ryashyizweho n’abakuru b’ibihugu na guverinoma bagize uyu muryango.
Mu myaka umunani kuva ivugurura ryatangira, uyu muryango umaze gukusanya agera kuri miliyoni 400 z’amadolari y’imisanzu yatanzwe n’ibihugu biwugize.
