Mu mukino w’umunsi wa 13 wa Shampiona y’abagore ikipe ya Rayon Sports WFC yatsinze mukeba wayo AS Kigali WFC ibitego 2-1 nyuma y’igihe kinini itabasha kuyitsinda.
Mbere y’uyu mukino aya makipe yombi yanganyaga amanota, umubare w’ibitego azigamye n’ibyo yinjijwe, ku buryo uyu mukino wa kamparampaka y’ugomba kuyobora urutonde rwa shampiyona ashyizemo ikinyuranyo.
Ibi bivuze ko kuba aya makipe ariyo akomeye cyane muri shampiyona y’abagore ubwayo akaba yihuriye, bica amarenga y’aho igikombe cyigana dore ko usanga urwego rw’andi makipe asigaye nta yifite ubushobozi bwo gutsinda Rayon Sports wfc cyangwa As Kigali, kuko usanga atsindwa naya makipe ibitego birumbutse.
Tubibutse ko As Kigali ari yo ifite igikombe cyaShampiyona 2022-2023 mu cyiciro cya mbere mu bagore, mu gihe Rayon Sports wfc ari yo yatwaye igikombe cya Shampiyona y ‘abagore mu cyiciro cya kabiri ari nabyo byayihaye itike yo kuzamuka mu cyiciro cya Mbere.
