RSF yahaye u Rwanda amanota 40% mu bwisanzure bw’itangazamakuru

Umwanditsi Mukuru
Yanditswe na Umwanditsi Mukuru

Umuryango uharanira ubwisanzure bw’itangazamakuru, Reporters Sans Frontières (RSF) wasohoye raporo yawo ngarukamwaka ku bwisanzure bw’itangazamakuru. Muri iyi raporo ya 2024 u Rwanda ubwisanzure bw’itangazamakuru bwahawe amanota 40%, ruza ku mwanya wa 144 mu bihugu 180.

Ugereranije na Raporo yari yatangajwe umwaka ushize u Rwanda rwasubiye inyuma ho imyanya 13 kuko mu 2023 rwari ku mwanya wa 131.

Mu karere ka Afurika y’i burasirazuba Tanzania  niyo iza hafi ku mwanya wa 97,Kenya iza ku mwanya wa 102, u Burundi ku mwanya wa 108, Repubulika ya Demokarasi ya Congo ku mwanya wa 123, Uganda ku mwanya wa 128 Sudani y’Epfo ni iya 136, u Rwanda 144 na Somalia ku mwanya wa 145.

Muri iyi Raporo Umunyamakuru Cyuma Hasan yagarutseho. Raporo ikavuga ko mu 2023 uyu umunyamakuru ngo yakatiwe gufungwa imyaka 10 ku birego ivuga ko bidahuye n’ukuri.

Kubw’iyi raporo n’ubwo nta munyamakuru cyangwa umukozi wo mu itangazamakuru wishwe kugeza ubu guhera ku itariki ya mbere Mutarama uyu mwaka ngo abanyamakuru babiri ubu barafunze.

Ku isi, ibihugu bitanu bya mbere mu kubahiriza ubwisanzure bw’itangazamakuru ni Norvège, iza ku mwanya wa mbere, ikurikiwe na Denmark, Suède, Ubuholandi na Finland. Mu gihe ibihugu biza inyuma mu bwisanzure bw’itangazamakuru ari Vietnam, China na Korea ya Ruguru.

Isangize abandi
Tanga igitekerezo

Leave a Reply

Your email address will not be published. Required fields are marked *