Umwongereza Peter Joe Blackmore ukinira ikipe ya Israel Premier Tech yo muri Israel niwe wegukanye agace ka Munani ka Tour du Rwanda 2024. Aho bavaga KCC bongera bahagaruka, mu byitwa ‘Road Race Circuit’, aho baba bazenguruka bagaruka aho bahereye. Ni agace kari kari gafite ibirometero 90.
Si aka gace gusa Joe Blackmore yegukanye kuko yatwaye n’agace ka Gatandatu ka Musanze-Kigali (Mont Kigali) ku ntera y’ibilometero 93,3.
Joe Blackmore ni nawe wegukanye Tour du Rwanda 2024 yakinwaga ku nshuro ya 16, aba umukinnyi wa 14 uyegukanye kuva ibaye mpuzamahanga mu 2009.
