Tuniziya: Abatavuga rumwe n’ubutegetsi nta bwinyagamburiro

Web Developer
Yanditswe na Web Developer

Ukwishyira ukizana kurabangamiwe muri Tuniziya, ku ngoma ya Kais Saied kandi abayobozi barimo gukoresha ubutabera na polisi, mu guhana n’abatavuga rumwe nabo. Imiryango 10 yo mu karere iharanira uburenganzira bwa muntu, yabivugiye mu nama yahuriyemo kuri munsi w’ejo ku wa gatandatu, tariki ya 18 Gicurasi, 2024.

Polisi muri uku kwezi yataye muri yombi abantu 10, barimo abacamanza, impirimbanyi z’uburenganzira bwa muntu, abanyamakuru n’abayobozi b’imiryango itagengwa na leta, mu cyo umuryango Amnestie Internationale na Human Rights Watch, bavuga ko ari uguhiga abantu bukware. Iyi miryango yahamagariye abayobozi kwubaha uburenganzira bw’Abanyatuniziya, bwo kuvuga icyo batekereza n’ukwishyira ukizana kwabo.

Mu cyumweru gishize kandi abacamanza ibihumbi bakoze imyigaragambyo, nyuma y’uko polisi ku ncuro ya kabiri, ikoze umukwabu ku cyicaro gikuru cy’ishyirahamwe ry’abunganira abandi mu mategeko, aho yataye muri yombi abavoka babiri.

Nyuma yaho, iri shyirahamwe ryavuze ko umwe muri abo babiri, yakorewe iyica rubozo. Ibi minisiteri y’ubutegetsi bw’igihugu, yabihakanye yivuye inyuma.

Ku isabukuru y’imyaka 47 ishize, urugaga rw’imiryango iharanira uburenganzira bwa muntu rushyizweho muri Tunisiya, imiryango 10 iharanira ubwo burenganzira, mu nama yagiriye i Tunisi, yahamagariye gusenyera umugozi umwe mu kurwanya icyo bise igitero kitigeze kibaho, ku kwishyira ukizana kw’abaturage.

 

Isangize abandi
Tanga igitekerezo

Leave a Reply

Your email address will not be published. Required fields are marked *

Iteganyagihe

loader-image
Kigali, RW
4:55 am, Jun 20, 2024
temperature icon 17°C
few clouds
Humidity 67 %
Pressure 1021 mb
Wind 5 mph
Wind Gust Wind Gust: 0 mph
Clouds Clouds: 20%
Visibility Visibility: 0 km
Sunrise Sunrise: 6:01 am
Sunset Sunset: 6:01 pm

Inkuru Zikunzwe