Abadepite 11 bo mu ishyaka ry’aba-Conservateurs bigometse ku mugambi wa Minisitiri w’Intebe, Rishi Sunak, wo kohereza abimukira mu Rwanda, bahamagajwe ngo basobanure iyo myitwarire yabo yafashe nko ‘kwigumura’.
Abadashyigikiye Rishi Sunak bo mu ishyaka rye bavuga ko amategeko atubahirizwa uko bikwiye kandi ko leta iri kwirengagiza amategeko mpuzamahanga kugira indege zitwaye abimukira zitangire kuguruka zigana Kigali.
Abahamagajwe barimo uwahoze ari Minisitiri w’umutekano imbere mu gihugu, Suella Braverman, uwahoze ari Minisitiri ushinzwe abinjira n’abasohoka, Robert Jenrick, aho bagomba kwitaba Simon Hart ushinzwe gukurikirana uko guverinoma itsinda amatora ku ngingo runaka ziba zajyanywe mu mutwe w’abadepite.
Simon Hart azahura na buri mudepite nk’uko byasabwe na Minisitiri w’Intebe. Uyu muhuro ngo ugamije kubwira aba badepite ko ‘kwigumura bitazigera byihanganirwa na rimwe’.
