Volleyball: Police VC yatangiye nabi mu Misiri

Higiro Adolphe
Yanditswe na Higiro Adolphe

Police Volleyball Club mu bagabo yatangiye nabi itsindwa na KPA VC yo muri Kenya  mu irushanwa nyafurika riri kubera mu Misiri ku nshuro yaryo ya 45.

Muri iri rushanwa rya ‘’African Men’s Volleyball Club Championship’’ ryatangiye kuri iki cyumweru taliki ya 14 Mata 2024, Police VC yatsinzwe nabi na Kenya Ports Authority VC, amaseti 3 kuri imwe .

Police VC yinjiranye igihunga muri uyu mukino, yatsinzwe iseti ya mbere ku manota 25- 17, iya kabiri Police VC iyitsinda 25-23, iya gatatu KPA VC iyitsinda 25-21, iya kane ari nayo ya nyuma Police yatsinzwe ku manota 25-20.

Police VC na KPA VC ziri mu itsinda rya 4 na Green Buffaloes VC ( Zambia), University of Zimbabwe Wolves Club ( Zimbabwe) na Volleyball Club Garde ( DRC).

Indi kipe ihagarariye u Rwanda muri iri rushanwa ni Gisagara VC, ari nayo yagize umwanya  mwiza mu mateka y’iri rushanwa ku makipe y’u Rwanda.

Gisagara iri mu itsinda rya 3 hamwe na Rukinzo (Burundi), VC Espoir (DRC), Port Autonome de Douala (Cameroun), Asw Blida Sport Ville de Blida (Algerie), Prisons VC (Kenya)

Umukino wa mbere wa Gisagara irakina na Asw Blida.

Imikino ya nyuma izakinwa taliki ya 23 ari nabwo irushanwa rizasozwa i Caïro mu Misiri.

Isangize abandi
Tanga igitekerezo

Leave a Reply

Your email address will not be published. Required fields are marked *