Mu 2023 Miliyari 2Frw zahinduriye ubuzima abaturiye pariki

Umwanditsi Mukuru
Yanditswe na Umwanditsi Mukuru

Muri gahunda y’ikigo cy’igihugu cy’iterambere RDB yo guteza imbere abaturage baturiye ahari ibyanya byinjira amadovise aturutse ku hukerarugendo, mu mwaka wa 2023 Miliyari 2 Frw yashowe mu mishinga y’iterambere. 

Mu mishinga RDB ivuga ko yateye inkunga mu mwaka ushize harimo 54 iri mu buhinzi n’ubworozi, 43 iri mu kubaka ibikorwa remezo, 8 ijyanye no kugeza ibikoresho mu masoko n’inzu z’abanyabugeni ndetse n”imishinga 6 y’ishoramari ry’abaturage.

RDB ivuga ko muri rusange amadovise u Rwanda rwinjije avuye mu bukerarugendo yavuye kuri Miliyoni 445 z’madorali ya Amerika yari yinjijwe mu mwaka wa 2022 agera kuri Miliyoni 620 z’amadorali ya Amerika mu mwaka wa 2023; ni Miliyari zisaga 798 mu mafaranga y’u Rwanda.

Raporo ya RDB igaragaza ko muri 2023 u Rwanda rwasuwe n’abakerarugendo Miliyoni 1 n’ibihumbi 400. Pariki y’ibirunga niyo yasuwe cyane kuko yihariye 38% by’abakerarugendo, akagera gafite 24% naho Pariki ya Nyungwe ikagira 10%.

Amadovise yinjijwe n’u Rwego rw’ubukerarugendo mu mwaka wa 2023 aratanga icyizere ko intego u Rwanda rwihaye yo kwinjiza Miliyoni 800 z’amadorali ya Amerika muri uyu mwaka wa 2024 ishoboka. U Rwanda rubashije kwinjiza izi Miliyoni 800 muri 2024 rwaba rukubye 2 amadovise yinjiraga mu mwaka wa 2017 yanganaga na Miliyoni 400 z’amadorali ya Amerika.

Isangize abandi
Tanga igitekerezo

Leave a Reply

Your email address will not be published. Required fields are marked *

Iteganyagihe

loader-image
Kigali, RW
3:05 pm, May 28, 2024
temperature icon 26°C
light rain
Humidity 51 %
Pressure 1021 mb
Wind 6 mph
Wind Gust Wind Gust: 0 mph
Clouds Clouds: 40%
Visibility Visibility: 0 km
Sunrise Sunrise: 5:56 am
Sunset Sunset: 5:57 pm

Inkuru Zikunzwe