Umunya Nigeria Tunde Onakayo yanditse amateka mu gitabo cy’abaciye uduhigo ku isi nyuma yo kumara amasaha 58 akina ikibuguzo cyizwi nka “Chess” I New York muri Leta zunze ubumwe za Amerika.
Tunde yicaye imbere ya Chess kuva kuwa Gatatu Taliki 17 Mata I saa yine za mu Gitondo (10:00 AM) guhera ubwo yakinnye n’umunyamerika wa mbere mu mukino wa Chess witwa Shawn Martinez kugeza ku mugoroba wo kuwa Gatanu I saa mbiri z’ijoro (8:00 PM).
Tunde akuyeho agahigo k’abanya Norvege Hallvard Haug Flatebø na Sjur Ferkingstad, bo bari barabashije gukina uyu mukino amasaha 56 iminota 9 n’amasegonda 37.
Uyu munya Nigeria ufite imyaka 29 y’amavuko avuga ko yizeye gukusanya akayabo ka Miliyoni y’amadorali ya Amerika akayashora muri Afurika mu bikorwa byo gufasha abana kubona uburezi.
